Титульная

Биография

Фотографии

Воспоминания

Произведения

Вечер памяти


"Онай сöсна иге"


(Нинан ойлымыжо)

Мый кокаймыт деч пареҥгым шынден толам ыле. Шкеже велосипед дене улам, а рулеш ведрамым сакенам. Ведра кудалмаштем йÿкым пуа: чоҥ-чоҥ-чоҥ! шокта.
Ик еҥ ончык шуым. Капка ончылныжо изи сöсна иге шога ыле. Мыйын ведра йÿкем ала-мо колят, почешем кудалаш тÿҥале. Мый, йомеш манын,шуэн кодынем ыле, писынрак кудалаш тÿҥальым. Сöсна игат ынеж код, писынрак кудалаш тÿҥале. Пеш писын кудалам – тудат тöршталтен кудалеш веле! Тыге ик сурт, весе-влак эртат. Сöсна иге почешем чымыкта веле, нигузеат ок код!
Йöра, ваштарешем мотовелосипед дене Арсик изай кудалеш ыле. Сöсна иге ведра йÿкым мотор йÿкеш йомдарыш ала-мо? Ик век, вес век ончалят, шогале. Мый тиде жапыште уло кертмем дене чымалтым: вет сöснаигыже еҥын-йомын кертеш!
Тыге мый сöсна иге деч тока гына ойырлышым. Мотор йÿк полшыш, очыни? Ала тиде сöсна игыже ведра почеш туныктымо улмаш? Вет пел ял мучко почешем кудал тольо! Онай сöсна иге!



С.М. Кушаков
1966 ий, 22 майысе случай гыч