Титульная

Биография

Фотографии

Воспоминания

Произведения

Вечер памяти

Маргарита Тимофеевна Ушакова. "Илен, чапландарен"


статья из газеты "Марий Эл"

Провой кундем Эсмекплак кыдалаш школышто фронтовик, туныктышо, краевед, мер пашаеҥ Степан Михайлович Кушаковым шарныме лӱмеш вашлиймаш эртен. Шочшыжо, родыжо, пырля пашам ыштыше йолташыже ден коллегыже, ончычсо тунемшыже-влак толыныт. Кушаковын эн йӧратыме мурыжо-шамычым туныктышыжо-влак муралтеныт, йомакше ден басньыже-влакым модын ончыктеныт.
Степан Михайлович 1918 ийыште шочын. Козьмодемьянскысе педколледжым тунем лектын, вара Кугу Отечественный сарыште лийын, Белоруссийысе кавалерийский полкышто служитлен. Сарыште ик йолжым йомдарен. Мӧҥгыш пӧртылмекыже, школышто туныктен, ешаҥын. Пелашыже Анна Ивановна тӱҥалтыш школын директоржо лийын. Вич шочшым ончен куштеныт.
Степан Михайлович Эсмекплак школышто марий йылме ден сылнымутым туныктен. Шарнымаш касыште тудын нерген поро мут-влак йоҥгышт, кажныже чын да ушан, примерлан йӧршӧ илыш сӱретым шинчавӱд йӧре шарналтен. С.М.Кушаков нерген шӱм гыч лекше мут-влакым О.И.Майкова муын, моткоч сӧралын каласкален.
Школ коллектив чылажымат лийже манынак шукташ тыршен: ончычсо туныктышыштын илыш-корныжым ятыр материал ден фотографий дене палдарыме, пӱтынь зал Марий Отар ялын эргыжлан пӧлеклыме лийын. Тукым вож пушеҥгым тудын эргыже Ю.С.Кушаков сӱретлен. Шочшыжо-влакын эплын аралыме арверышт дене тоштерымат почаш лиеш.
Степан Михайлович шке кундемжым шымлен, шӱдӧ дене легендым, калыкмутым поген, почеламутым возен, «Марий йылме» учебник-влакын авторжо лийын, Миклай Казаков, Никандр Лекайн дене кылым кучен. Куд шӱдӧ утла рукописный тетрадьше шымлыме огыл. Ятырже МАРНИИЯЛИ-н фондышто аралалтеш. Шке шочмо кундемжын патриотшо, йылмызе, фольклорист, краевед 1972 ийыште илыш дене чеверласен, но тудын чумыр пашажлан але марте тӱрыс акым пуымо огыл.



Маргарита Тимофеевна Ушакова
ссылка на статью из газеты "Марий Эл"